ਸਵ: ਬਲਜੀਤ ਸੈਣੀ ਦੀ ਯਾਦ ਵਿੱਚ ਇੱਕ ਫ੍ਰੀ ਮੈਗਾ ਮੈਡੀਕਲ ਕੈਂਪ ਲਗਾਇਆ ਗਿਆ

ਪਠਾਨਕੋਟ, 2 ਅਪ੍ਰੈਲ (ਪਰਮਜੀਤ ਸਿੰਘ) ਅੱਜ ਗੌਰੀ ਸ਼ੰਕਰ ਸੇਵਾ ਸਮਿਤੀ ਵੱਲੋਂ, ਸੰਜੀਵ ਮੱਲ੍ਹਣ ਦੀ ਪ੍ਰਧਾਨਗੀ ਹੇਠ, ਸਵਰਗੀ ਬਲਜੀਤ ਸੈਣੀ ਦੀ ਯਾਦ ਵਿੱਚ, ਅਮਨਦੀਪ ਹਸਪਤਾਲ ਦੇ ਸਹਿਯੋਗ ਨਾਲ ਬਾਗਵਾਲੀ ਮਾਤਾ ਮੰਦਿਰ ਸੁਜਾਨਪੁਰ ਵਿੱਚ ਇੱਕ ਫ੍ਰੀ ਮੈਗਾ ਮੈਡੀਕਲ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ ਡਾ. ਨਰਿੰਦਰ ਸ਼ਰਮਾ, ਵਰਿੰਦਰ, ਰਿਤਿਕਾ ਸੈਮ, ਅਤੇ ਪਵਨ ਨੇ 200 ਮਰੀਜ਼ਾਂ ਦਾ ਫ੍ਰੀ ਚੈੱਕਅੱਪ ਕੀਤਾ ਅਤੇ ਸਾਰੇ ਮਰੀਜ਼ਾਂ ਨੂੰ ਮੁਫ਼ਤ ਦਵਾਈ ਵੰਡੀ ਗਈ। ਇਸ ਮੌਕੇ ਤੇ ਬਾਗਵਾਲੀ ਮਾਤਾ ਦੇ ਮੁਖੀ ਠਾਕੁਰ ਬਲਬੀਰ ਸਿੰਘ ਪ੍ਰਧਾਨ ਨੇ ਕਿਹਾ ਕਿ ਗੌਰੀ ਸ਼ੰਕਰ ਸੇਵਾ ਸਮਿਤੀ ਹਰ ਨਵਰਾਤਰੀ ਦੇ ਮੌਕੇ ਤੇ ਮੰਦਿਰ ਵਿੱਚ ਕੈਂਪ ਲਗਾ ਕੇ ਲੋਕਾਂ ਦੀ ਸੇਵਾ ਕਰਦੀ ਆ ਰਹੀ ਹੈ। ਮੈਂ ਸੰਜੀਵ ਮੱਲ੍ਹਣ ਦੀ ਸੇਵਾ ਭਾਵਨਾ ਨੂੰ ਸਲਾਮ ਕਰਦਾ ਹਾਂ। ਇਸ ਮੌਕੇ ਤੇ ਪਿੰਡ ਦੇ ਮੁਖੀ ਸੁਰਜੀਤ ਸੈਣੀ ਨੇ ਕਿਹਾ ਕਿ ਅੱਜ ਕੱਲ ਲੋਕਾਂ ਕੋਲੋਂ ਕਿਸੇ ਵਾਸਤੇ ਕੰਮ ਲਈ ਸਮਾਂ ਨਹੀਂ, ਮਗਰ ਗੌਰੀ ਸ਼ੰਕਰ ਸੇਵਾ ਸਮਿਤੀ ਦੀ ਟੀਮ ਦਿਨ ਰਾਤ ਲੋਕਾਂ ਦੀ ਲਗਾਤਾਰ ਸੇਵਾ ਕਰਦੀ ਆ ਰਹੀ ਹੈ। ਇਹ ਇੱਕ ਸ਼ਲਾਘਾਯੋਗ ਕਦਮ ਹੈ ਜਿਹੜਾ ਕਿ ਸੰਜੀਵ ਮੱਲ੍ਹਣ ਦੀ ਅਗਵਾਈ ਹੇਠ ਹੋ ਰਿਹਾ ਹੈ। ਇਸ ਵਿਸ਼ੇਸ਼ ਮੌਕੇ ਤੇ ਸਾਜਨ, ਦੇਵਕੀਨੰਦਨ, ਕੁਲਦੀਪ ਅਤੇ ਸੁਭਾਸ਼ ਮਾਸਟਰ ਆਦਿ ਮੌਜੂਦ ਸਨ।