ਸਵ: ਰਾਜ ਕੁਮਾਰ ਅਤੇ ਮਾਤਾ ਕ੍ਰਿਸ਼ਨਾ ਦੇਵੀ ਦੀ ਯਾਦ ਵਿੱਚ ਅੱਖਾਂ ਦਾ ਫ੍ਰੀ ਮੈਡੀਕਲ ਕੈਂਪ ਲਗਾਇਆ ਗਿਆ

ਪਠਾਨਕੋਟ, 30 ਮਾਰਚ (ਪਰਮਜੀਤ ਸਿੰਘ) ਅੱਜ ਹਿੰਦੂ ਨਵੇਂ ਸਾਲ ਦੇ ਮੌਕੇ ‘ਤੇ ਗੌਰੀ ਸ਼ੰਕਰ ਸੇਵਾ ਸਮਿਤੀ ਵੱਲੋਂ, ਪ੍ਰਧਾਨ ਸੰਜੀਵ ਮੱਲ੍ਹਣ ਦੀ ਪ੍ਰਧਾਨਗੀ ਹੇਠ ਭਗਤ ਕੁਨਾਲ ਅਤੇ ਰਾਸਟਰੀ ਸੰਤ ਆਚਾਰੀਆ ਸੰਜੇ ਮੁਨੀ ਦੇ ਅਸ਼ੀਰਵਾਦ ਨਾਲ ਸਵਰਗੀ ਰਾਜ ਕੁਮਾਰ ਅਤੇ ਮਾਤਾ ਕ੍ਰਿਸ਼ਨਾ ਦੇਵੀ ਦੀ ਯਾਦ ਵਿੱਚ ਚੌਹਾਨ ਮੈਡੀਸਿਟੀ ਕੋਟਲੀ ਦੇ ਸਹਿਯੋਗ ਨਾਲ, ਰਾਮਲੀਲਾ ਗਰਾਊਂਡ ਛੋਟੇਪੁਰ ਪਿੰਡ ਵਿੱਚ ਅੱਖਾਂ ਦਾ ਇੱਕ ਮੈਗਾ ਮੈਡੀਕਲ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ ਡਾ. ਬਾਸੂਦਾ, ਡਾ. ਮਨੋਜ ਗੁਪਤਾ ਦਵੇਰਾ ਨੇ 400 ਮਰੀਜ਼ਾਂ ਦਾ ਚੈੱਕਅੱਪ ਕੀਤਾ ਗਿਆ ਅਤੇ ਸਾਰਿਆਂ ਨੂੰ ਮੁਫ਼ਤ ਦਵਾਈ ਵੰਡੀਆਂ ਗਈਆਂ। ਇਸ ਮੌਕੇ ਮੁਖ ਮਹਿਮਾਨ ਸੁਰਿੰਦਰ ਮਹਾਜਨ ਹਾਜਰ ਹੋਏ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਲੋਕਾਂ ਕੋਲ ਆਪਣੇ ਅਜੀਜਾਂ ਲਈ ਸਮਾਂ ਨਹੀਂ ਹੈ, ਪਰ ਗੌਰੀ ਸ਼ੰਕਰ ਸੇਵਾ ਸਮਿਤੀ ਜਿਸ ਤਰ੍ਹਾਂ ਲੋਕਾਂ ਦੀ ਸੇਵਾ ਕਰ ਰਹੀ ਹੈ, ਉਹ ਸ਼ਲਾਘਾਯੋਗ ਕਦਮ ਹੈ। ਆਓ ਆਪਾਂ ਸਾਰੇ ਇਕੱਠੇ ਹੋ ਕੇ ਇਸ ਨੇਕ ਕੰਮ ਵਿਚ ਸ਼ਾਮਿਲ ਹੋ ਕੇ ਸੰਜੀਵ ਮੱਲ੍ਹਣ ਦਾ ਸਮਰਥਨ ਕਰੀਏ ਤਾਂ ਜੋ ਅਸੀਂ ਸੰਜੀਵ ਮੱਲ੍ਹਣ ਵਰਗੇ ਸਮਾਜ ਸੇਵਕ ਦੀ ਸੇਵਾ ਵਿੱਚ ਸਹਿਯੋਗ ਕਰ ਸਕੀਏ। ਇਸ ਮੌਕੇ ਬਲਵਿੰਦਰ ਸੈਲੇਰਾ ਨੇ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਸੰਜੀਵ ਮੱਲ੍ਹਣ ਵਰਗੇ ਸੇਵਾਦਾਰ ਬਹੁਤ ਘੱਟ ਮਿਲਦੇ ਹਨ। ਇਸ ਮੌਕੇ ਕਸ਼ਮੀਰ ਸਿੰਘ, ਲਤਾ ਸਰਪੰਚ, ਬਿਸੰਬਰ, ਬੀਰਬਲ, ਸਾਜਨ ਅਤੇ ਨਿਤੇਨ ਮੌਜੂਦ ਸਨ।